Xalqaro hamkorlik
Just Energy «Xitoy (Shansi provinsiyasi) — O‘zbekiston» konferensiyasida
Kompaniya Toshkentda energetika loyihalariga yondashuvini taqdim etdi va Shansi provinsiyasidagi potensial hamkor bilan memorandum imzoladi.

O‘zbekiston Respublikasi Prezidenti Shavkat Mirziyoyevning Xitoy bilan hamkorlikni mustahkamlashga qaratilgan izchil siyosati tufayli ikki mamlakat kompaniyalari o‘rtasida bevosita ishbilarmonlik aloqalari rivojlanmoqda. 2026-yil 19-oktabr kuni Toshkentda bo‘lib o‘tgan «Xitoy (Shansi provinsiyasi) — O‘zbekiston» savdo-iqtisodiy hamkorlik konferensiyasi ana shunday muloqot maydonlaridan biri bo‘ldi.
Just Energy konferensiyada strategik hamkori — O‘zbekiston energetiklari milliy assotsiatsiyasi ko‘magida ishtirok etdi. Assotsiatsiyaga ko‘magi va hamkorligi uchun minnatdorlik bildiramiz.
Konferensiyada Just Energy kompaniyasining energetika loyihalarini tayyorlashga yondashuvini taqdim etdik: obyektning dastlabki ma’lumotlarini baholash, texnik yechim va loyiha iqtisodiyotini ishlab chiqish, shartlar hamda tomonlarning vazifalarini kelishish. Shuningdek, Xitoy biznesi vakillari bilan tanishdik.

Konferensiya yakunida Just Energy va Shansi provinsiyasidagi Jingtian Hechuang Yun Nengyuan kompaniyasi o‘rtasida memorandum imzolandi. Bu qadam muloqotni davom ettirish va hamkorlik imkoniyatlarini izlashga bo‘lgan o‘zaro qiziqishni ifodalaydi.
E’lon qilingan sana:
Yangiliklar ro‘yxatiga qaytish